Aizawl: Mizoram Kuhva Chingtu Pawl, General Headquarters -in sorkar hmalakna an thlawp tih an sawi.
MKCP chuan ram leilung fa kut hnathawktute hmangaia dan lova ram dang kuhva ro tawlhruk Mizoram Police-in an man thin chu lawmawm an tih thu an sawi a, kuhva chingtuten an thar chhuah ram chhung leh pawna hralhna daltu dan lova tawlh thinte chu an dem thu sawiin a do kawnga sorkar hmalakna an thlawp tih an sawi.
MKCP chuan, dan lova kuhva tawlhruk dapchhuahna leh man chhuah an nih theihna turin sorkar hmalakna chu puibawm turin an inpeih reng tih an sawi a. Mizo mipuite pawh ram leilung fa kuthnathawktute hma khawngaia thlawp tur leh dan lova kuhva tawlhruk chu dopui zel turin an ngen a. Mizoram hmun hrang hranga MKCP District Headquarters, Sub-headquarters leh branch hrang hrang chu an huam chhung theuha dan lova ram dang kuhva tawlhruk veng tur leh Police-te lo thawhpui theuh zel turin an chah.