- F. Vanlalrochana
Sual thihsana felna neia kan nun theih nân, amah ngeiin thingah khân a taksain kan sualte a phur a; a hliamte chuan tihdam in ni ta. Berâm angin kawng in bo tawh a, tûnah zawng in thlarau Vêngtu leh Hotu hnênah chuan in lo kîr leh tâk hi.
- 1 Petera 2:24-25
- Kraws hian kan sualzia min hmuh tir.
Pathian hnen thleng pha lo, Pathian duhzawng ni pha lo kan nih zia kraws hian a tarlang a ni. Hmasang atangin hnam hrang hrangin misual ber khenbehna atan kraws hi an hmang a. Chutianga krawsa khenbehna chu keini pawhin kan hmabak a. Kraws chu, kan sualzia min hriat chian tirtu a ni. - Krawsah chuan hmangaihna kan hmu.
Chutianga sual avanga hrem tuar turte tan chuan, kan aiawhin Pathian fapa chuan a tuar a. Mi sualte tana tawrh hi thil har a ni a. Mi sualte thlarau lainatte hi a harta fu niin ka hre ta. Kristian duh fir em em kan han ni a, Pathian duh loh zawng nia kan hriat anga awmte chu kan diriamin kan haw ta tlat. An thlarau lainatna lam reng a lang tawh lo. Chung mite huatte leh nekchep zawkte chu kristian tha nihna emaw kan ti nite hian a lang. Chutiang mi chu keini chu kan ni a. Lal Isua erawh kha chuan, chatuana mihringte tlanna turin krawsah khan a tuar a ni. Krawsa hmangaihna kan hmuh kha ropui tak a ni. Lal Isua kraws aia rin leh en leh innghahna dang kan nei hian, Pathian hmangaihna te hi kan hmu fuh thei lo a. Ritphurh inchhawk tawn tura fuih kan nih laiin, mi dangte phurrit kan dah belh zawk thin. - Kraws chu ngaihdamna a ni.
Mi sual berte tana chhandamtu thisen luanna hmunah chuan kan sualna leh mihring mihrinnaa kan that lohna zawng zawng lak ata zalenna chu a awm a ni. Krawsa tlenfai tawhte chuan, thlarau lainatna an nei thin. Mahni duhthlanna hmang sualte leh sual bawhbehte dinhmun hriatthiamna leh thlarau lainatna a nei tawh a. Sual avanga rumte tawrhna a hrethiam thin a. Setanan a bumte tanna chu a lainat zawk thin. Lal Isua kraws bulah chuan mi tin an fai a. Mi dangte pawh krawsah chuan hruai a tum zawk thin a ni.
Thisen lui chu ka lo hmuhin
khawngaihnain a khat
Chatuan pawhin a kang lo vang,
Misual faina lui chu.