P&E Minister F Rodingliana’n Inrinni chawhnu khan Sairang-a 33 kV Sub-Station a tlawh a, hmun hnih atanga power lak luhna (double source) tihchangtlun dan tur a enfiah.
Sairang Sub-Station hian Sairang Railway Station, EPIP Lengte, Bamboo Technology Park te a chawm a. Lengpui Airport power pekna pui ber a chhiat thulha power lak luhna a ni bawk a. Hei vang hian power lak luh leh pek chhuahna tichangtlun tura hmalak mek leh hmalak zel dan tur a enpui a ni.
Minister hian Mizoram hmun hrang hranga power lak luh leh semna hmun pawimawhte chu double source an neih vek a tul tih sawiin hmun tam takah hei hi tihhlawhtlin tawh niin a tahtawla hmalak zel anih tur thu a sawi a ni.
Minister hi K Lalrinzuala, Commissioner, Ngursailova Sailo, Engineer-in-Chief, Zodingliana, Chief Engineer leh department thawktu dang ten an tawiawm a ni.