Aizawl: Mizoram Board of School Education (MBSE)-in Higher Secondary School Leaving Certificate (HSSLC) 2026 result tihchhuah takah kum liamta aia pass percentage a sang chu lawmawm an tih thu MZP chuan an sawi.
Nimina an thuchhuahah MZP chuan, MBSE-in kum dang ang lo taka result bu an buatsaih chunga result felfai tak an chhawp chhuak thei chu lawmawm an tih thu an sawi a. Kumin HSSLC exam-ah hian zirlai 12,243 in exam an hmachhawnin, zirlai 10,734 ten hlawhtlinna an chang a. Overall pass percentage hi 87.67% niin kum 2025 aiin 6.57% in a sang zawk a. Hetiang taka kum liam ta aia pass percentage rawn sang chu lawmawm an tih thu sawiin, kumin a pawl 12 exam hmachhawn leh turte pawn result tha tak nei thei tura tura tan la turin a chah.
MZP chuan, HSSLC Examination 2026-a hlawhtlinna chang zawng zawngte an kal leh zelna turah duhsakna a hlan a, hlawhtlinna chang ve ta lo leh compartmental chance nei zawng zawngte pawh beidawng mai lova bei chhunzawm zel turin a chah bawk.