Aizawl: Serchhip Sub Headquarters YMA Inkhawmpui vawi 8-na chuan ‘Khawhar inah khawhar hla (Van ngaih hla) leh Pathian pawlna hla bak sa tam lo tura inzirtirna neih ni rawh se,’ an ti.
April ni 30 atanga Mau ni 1, 2026 chhunga Serchhip Sub Headquarters YMA Inkhawmpui vawi 8-na, Thenzawl Auditorium-a neih zawh takah Khawmpui chuan agenda an pass zingah Serchhip Sub Hqrs. chhunga luidung a, lung te hi humhalh turin hmalak ni rawh se tihte, District Hospital sak mek hi chak zawka hmalak a nih theih nan Sub hqrs. YMA in hma la rawh se tihte, Sub Hqrs. YMA buatsaih in tuia chettlat leh chhanchhuah lam inzirtir neih ni rawh se tih leh YMA chhang pualin Mizo infiamna leh hnam lam kutpui neih ni leh rawh se tih te an rel.
Sorkar khawih agenda an pawm zingah Serchhip khawpui chhungah district chhunga thingtlang atanga sikul kal te tan boys hostel sak a nih theih nan sorkarah thlen ni rawh se, State Integrated Rehabilitation and Care Centre, Mental Health and Disability Care din turin sorkarah thlen ni rawh se tih leh District Hospital-a Doctor tha neih belh anih theih nan sorkarah thlen ni rawh se tih te a ni.
Serchhip Sub Hqrs. YMA hnuai ah hian Group pathum – |awitlang Group, Tuichangral South Group leh Vantawng Group YMA te awmin, Town branch/thuthmun branch te nen a vaiin branch 74 a awm a, member 36,178 an awm mek a ni.