Lemchan thiam Cameron Diaz leh Benji Madden te chuan an fa pathum tur an neih thu leh an chhungkaw member an pun thu an sawi.
Thawhtanni khan Good Charlotte singer Madden chuan naute duhawm tak an neih leh thu hi a social media account lamah tarlangin, naute duhawm tak nei thei tura an tawngtai nasat thin thu leh a hlawhtlinna a taka an hmu thei ta chu a lawm thu a sawi a ni.
Kan chhungkua kan hlim a, kan fate an hrisel tha hlawm a, chhungkaw duhawm tak kan din chho zel a, kan tan chuan hun duhawm leh chhinchhiahtlak tak a ni chho zel a ni, tiin Madden chhungkua chuan thuchhuah an siam.
An pahnih hian kum upa lam an nih tawh avangin nau neih lamah harsatna an tawk chho ang tih an hlau hle thin a, Diaz hi kum 53 ni tawhin, Benji Madden lah kum 47 a nih tawh bawk avangin fa neih lamah harsatna an tawk ang tih an hlau hle thin.
Hemi chungchangah hian Madden chuan naute neih kan duh thin em avangin Diaz pawh a inuluk a, exercise tha taka la in, chhungkaw nu ber ni turin a inruahman chho reng a, a fakawm tak zet, tunah chuan fa pathum lai kan nei ta, kan vannei hle a ni, a ti.
An pahnih hian fanu Raddix Wildflower Madden, kum 6 leh fapa Cardinal Madden, kum 2 mi nei tawhin, an naute thar lo piang leh chu an tan malsawmna liau liau a nih thu an sawi nasa hle.