FIFA World Cup a hnai telh telh a, a buatsaihtu lam pawhin ennawm ropui hi vawrh len lehzual an bang bik lo. World cup hla pui neih leh ngei an tum a, kuminah hian hun hmasa lama lo hit pui viau tawh Shakira bawkin hlapui a rawn sa leh dawn.
Kumin world cup official song tur hi “Dai Dai” tih niin, Shakira chuan a teaser a rawn dah chhuak a, ngaihven a hlawhin, view tu an tam cher cher tawh hle.
Hun hmasa lamah Shakira hian World Cup hla lo nei tawhin, Waka Waka (This time for Africa) phei kha chu World Cup official song atana hman a ni a, a hnuah “La La La” te pawh nei lehin, a hit pui hlawmin, a hunlaia world cup boruak siamtu an ni hlawm.
Kumin World Cup hlapui hi Maracana stadium lama an shoot niin, Nigerian zaithiam Burna Boy nen an thawkdun a, official song hi May 14 hian tlangzarh an tum bawk.
Dai Dai tih hi a english chuan ‘Come On’ tih emaw ‘Let’s Go’ tihna emaw a nih theih ve ve thu a sawi a ni a, a satu nen pawh boruak pui tak nei thei tura ngaih a nih avangin world cup boruak a chawktho thar ngeiin FIFA chuan an ngai a ni.