Pathian fakna hla sa thin Hlim Hlimi chuan album thar a tichhuak thuai dawn e.
Tun tuma a album thar tur hi — Worship Album — tih niin, May ni 23, 2026 atang hian ngaihthlak theihin a chhawpchhuak dawn.
Hlim Hlimi hian a — Worship Album — a tihchhuah turah hian hla 12 a dah dawn a. Heng a hla dah tur zinga paruk hi a thu leh a thluk a siam a ni a, a kutchhuak liau liau a ni dawn a. Hla pali chu lehlin a ni dawn a, a bak zawng chu midang phuah a ni.
Hlim Hlimi chuan a album tur chu Pathian fakna leh chibai bukna (worship) lam hawi vek a ni dawn a. A hla ngaithla thin chuan a music duh ulukzia an hre theuh ang a, a music a sial leh hlawm hle dawn tih sawi.
“Zai mi ten kan hriat atana ka duh chu, music hi thlalak te ang thoin a chul hma ve tho tih hi kan hriat a pawimawh a. Kan instrument ri te kan uluk chuan a zai kha tha mah se, hla hi a nalh tur angin a nalh thei lo va, kum a liam chuan a chul thuai mai thin. Chuvangin, audio production hi kan ngaih pawimawh zual a ngai hle a ni,”
“Tun tum ka music hi ka duhthu a sam ve hlawm hle a. Mizo worship music tha ka tih leh ka beng fah ber pawl a ni,” a ti.