Aizawl: Uttarakhand-a Beauty Queen Salon & Spa-a Mizo hmeichhe panga inzawrh luihtirtute chu hriat an ni tawh.
He thila mawhphurtu bera ngaih chu Lalnunsiami (30), Kolasib, New Diakkawn leh pasal anga a neih Mohmmad (31), Spa neitupa te an ni a, mi dang pali nen Rudrapur Police Station-ah thubuai ziah luh a ni a, hren mek an ni.
Police-ten hmeichhe panga an chhan chhuahte chu May 9 khan Aizawl thlenpui tawh niin Women & Child Development (WCD) department enkawlna hnuaiah an awm rih.
Mizoram Police chuan thil tisualtute hi court kaltlangin Mizorama lak dan an ngaihtuah dawn tih thulaknain a tar lang.
Tar lan tawh angin an thudawn bawh zuiin Mizoram Police team leh WCD Department hnuaia thawktute chuan May 5, 2026 khan Rudrapur Police-te nen Mizo hmeichhiate thawhna hmun beauty salon & spa hi luhchhuah a ni a. Mizo hmeichhia panga chhanchhuah an ni a, he thila inhnamhnawih mi paruk an man bawk.