Aizawl: Aizawl Mayor H Lalremtluanga chuan Aizawl Municipal Corporation (AMC) kal dan la fel tawk lote chu zirchianga siam tha turin theihtawp an chhuah dawn tih a sawi.
Thawhtannia ZPM party chhung inkhawm neihah thu sawiin Aizawl Myor H Lalremtluanga chuan, kum 15 zeta upa AMC kal dan chu a la fel tawk lo hle tih mipuiin an hria a, chung chak lohnate chu zir chianga siam tha turin theihtawp an chhuah dawn tih a sawi a, service pek chhuah hrang hrang avanga Aizawl mipuite phurrit thin chu AMC-a roreltute phurrit nih tirin sukiang turin hma lak zel an tum thu a sawi.
Aizawl tan hnuhma tha leh AMC kaihruai leh tute tan chhawm tlak hnutchhiah ngei tum zelin, sum dinhmun pawh zir chiang mekin budget tha zawk neih an tum tih a sawi bawk.
H Lalremtluanga chuan lang tlang sorkar din tum zelin, sum hmuh leh hmannate a tam thei ang ber puanzar an tum tih sawiin, a bik takin mipui atanga chhiah lakte mipui tan a tam thei ang ber hman let leh a hmanna hriattir an tum tih a sawi a. Heng zawng zawng tihlawhtling tur hian anni chauh a tawk lo tiin, Aizawl tha zawk siam turin mipui leh ZPM party-a lungrualpui zawng zawngte thawhpuiah a sawm a, finchhuaha ruahmanna tha tak takte thawh ve turin a sawm zui bawk a ni.