April 24, 2026 khan Mizoram sorkar chuan khatihlaia Additional Director, Commerce, Industries, Geology & Mining Department R. Lalrodingi, April 30, 2026-a pension tur chu May 1, 2026 atangin Tourism Department Director atan rawih nawn (re-employ) a nih tur thuchhuah an siam a, he order hi sut leh niin OSD to CM a nihna chauh a chelh chhunzawm dawn a ni.
Mizo Zirlai Pawl (MZP) chuan inrawihnawn chungchangah hian sorkar hotute hi ngenin, sorkar lam chuan lo nghak rih turin an ti a, Mizoram sorkar hian May ni 15, 2026 khan thuchhuah hi a siamtha a, hei hian order hmasa chu a luahlan tiin R. Lalrodingi hi Tourism Director hna a chelh chu tihtawp sak niin, OSD to CM a nihna erawh chhunzawm dawn a, he a hna hi co-terminus niin, sorkar lai term tawp ruala a term hi tawp tur a ni.
Finance Department ID atanga a lan danin, R. Lalrodingi hian thla tin Rs 35,000 lawmman a dawng ang a, Mizoram sorkara Secretary rank pek a ni.