Kum 1997 kuma hla hit zet mai “Barbie Girl” hmanga khawvel dengchhuaktu Aqua group chuan tawp zai an rel ve dawn ta tih an sawi.
Danish Eurodance group chuan thuchhuah siamin, Aqua chapter chu kum tam tak a ral hnuah an khar ve dawn ta tih an sawi a, kan thawhhona leh kan nuna thil thleng tam tak hi kan tan chuan hriatrengna mai a ni tawh ang, an ti.
Thuchhuah an siamah chuan, hun rei tak kan thawkho a, music hmangin thawnthu tam tak kan siam a, kan inhmangaihna hi a la tawp lo ang a, kan group erawh kan tihtawp a ngai tawh a, thawnthu thlirlet mai loh chu tih theih kan nei ta lo a ni, an ti.
Tunah chuan chetchhuah kan harsat tawh a, mahni in lamah hun tam zawk hman ngai kan ni fur tawh a, kan tan chuan tour neihte hi thil harsa a ni tawh a, kan thinlungah Aqua group a nun reng dawn a, in tan pawh lo nung ve reng se kan duhthusam a ni, tiin thuchhuah an siam bawk.