Hranghlui chan chang chho ve mek Bollywood lemchanthiam lar berte zinga mi Anil Kapoor te nupa chuan an inneih champha tum 42 chu lawmin, heng an thlalakte hi Anil Kapoor chuan social media lamah a dahchhuak a, like tu a ngah hle.
Anil Kapoor leh a nupui Sunita Kapoor te hi an inneih champha tum 42 na a nih mai bakah, an inkawp laite nen phei chuan vawi 53 na hial a lo ni ve ta a, heng hun chhung zawng zawng hi a tan chuan ni special tak a nih reng thu Anil Kapoor chuan a sawi.
Anil Kapoor chuan a nupui tana note hnutchhiahin, kan inzui cham vawi 53-na leh kan inneih champha vawi 42 na kan thleng leh thei hi ka lawm a, kan inneih lai phei kha chuan kan la harsa zualin, minute 30 chhung lek khan kan tlingtla vek thei a nih kha, engmah a awmzui tawh lo, a ti a. A nupui chu engkima hrethiamtu, dawmkangtu leh a fate zawng zawng nena tun dinhmun an thlen theih nana mi pawimawh tawp a nih thu a ziak tel bawk.
Anil Kapoor leh Sunita Kapoor te hian fa pathum – Sonam Kapoor, Rhea Kapoor leh Harshvardhan Kapoor te neiin, an puitlingin, mahni kalna kawng lama ngaihtuahawm loh tak an ni vek a ni.