Sweden international footballer hlui, kum 44 mi, Zlatan Ibrahimovic chuan Zirtawpniah khan a Instagram page-ah thu mak tak puangin British heavyweight boxer kum 37 mi, Tyson Fury-a nen boxing ring-ah an inhmachhawn dawn tih a tar lang.
He an inhnek tur hi August 1-ah Dublin, Ireland-ah neih tura ruahman niin a tar lang a. Ibrahimovic-a chuan he chanchin chungchang hi, “Boxing hi a ropuina hluiah khan i hruai kir leh ang u!” tiin a ziak a ni.
He inhnek hi Fury-a’n Anthony Joshua a hmachhawn tur atana a inbuatsaihna pakhata hman tur a ni a, Ibrahimovic-a hi Gypsy King khingpui lailawk tur a ni ang.
Fan-te chuan he hun hi an nghakhlelin an phur tawh hle a, taekwondo ‘thiam vanga hmingthang, Ibrahimovic-a lakah hian Fury chuan tih theih a nei lo vang’ tiin an fiamthu nasa hle a. He thu thang hi thutak khuka khukpui chi a nih leh nih loh erawh a la chiang rih lo a ni.