Michael Douglas leh Catherine Zeta-Jones te fanu Carys chuan a nu leh pate lo tualchai tawhna lemchan khawvel lamah lut thuk ve zelin, stage a luahlum ve tan dawn ta.
Kum 23 mi hian a professional stage inlan hmasak berna tur hi The Seagul production atangin a tan dawn a, New York City atanga tihchhuah tur a ni.
He a inlanna tur hi a hming tak la tarlan ni lo mahse, June 20-27 chhung hian inkharkhip leh uluk taka chan tum a nih thu sawi a ni a, Carys chuan a phur hle tawh thu a sawi.
Michael,81 leh Zeta-Jones,56 te hian fa pahnih neiin, Carys bakah hian fapa Dylan,25 an nei a. Douglas hian a nupui hlui Diandra Luker nen fapa Cameron,47 an nei bawk.
Carys chuan a nu leh pate hnungzuia lemchan khawvela luh ve ngei a duh thu hi a lo sawi fo tawh thin a, theatre a seilian ka ni a, acting school-ah kal lovin, zirna hran nei lo mah ila, ka buai ka ring lo, a ti lo ti tawh a ni.
Carys unaupa Dylan pawh hian lemchan lamah sulhnu nei tawhin, Peter Facinelli nena an chan dunna short film ‘I Will Come to You’ tih chu bultan nan a lo hmang ve tawh bawk.