Siddaramaiah chuan Ningani khan a cabinet thawhpuite hnenah Karnataka chief minister a nihna atanga a bân tur thu a hrilh a, hei hian Congress sorkara hruaitu inthlakna a awm dawn tih tilangin a deputy chief minister, DK Shivakumar chu a aiawh turin a kai sang tura ngaih a ni.
Sawihona chungchang hrechiangtu party hruaitute chuan Siddaramaiah hian Bengaluru-a chief minister official residence, Cauvery-a tukthuan ei paha thutkhawmnaah a bân tur hi puang a, Shivakumar leh minister-te pawh an tel.
Meeting chungchang hrechiangtute chuan Siddaramaiah hian minister-te hnenah tlai lamah a bânna thehluh a tum thu a sawi niin an sawi a, hei hi he chanchin ziah lai hian a la thleng hman lo va. Assembly hruaitu thar leh chief minister thar thlanna atan Congress Legislature Party meeting koh thuai a nih tur thu a sawi bawk.
Meeting zawhah thuthar thehdarhtute a kawmnaah Karnataka Home Minister G Parameshwara chuan Siddaramaiah hian a hna atanga a bân hmain minister-te hnenah lawmthu hrilh nan hetiang hian a sawm khawm tih a sawi.
Chief minister bân tur hi New Delhi-a Siddaramaiah, Shivakumar leh Congress hruaitu vawi eng emaw zat an inbiakna hnuah a ni a. Congress President Mallikarjun Kharge-a leh eptu hruaitu, Rahul Gandhi te chuan hruaitu pahnihte hi a hranin an inhmu a, thla thara Rajya Sabha inthlan tur pawh an sawiho nia sawi a ni.
Kum 2023 assembly inthlana hnehna an chan tum khan hruaitute hi term laklawhah an dinhmun thlak tura thu dah a awm nia sawi a ni a. Hei vang hian Siddaramaiah leh Shivakumar inkarah hian tun hnaiah neuh neuh pawh a awm nia sawi a ni reng a ni.