Kum 29 mi Tom Holland chuan Spider-Man ni lo deuhah pawh a la chan ngei a beisei thu sawiin, ngaihtuahnate pawh a sen ve thin thu a sawi a, tunah hian Spider-Man a Peter Parker lema a channa palina tur tlangzarh turin a inruahman mek.
Peter Parker pathumna ni mek chuan Tobey Maguire leh Andrew Garfield te hnung zuiin, Spider-Man role a rawn chang chho a, a channa ho hi a inhmeh thei hle a, tunah hian Spider-Man: Brand New Day chu July 31 a tihchhuah turin a chang zo leh tawh a ni.
Lemchan khawvela a bultanna a hit em avang hian Marvel movie hrang hrangah Spidey role hneh takin a chang thin a, amah pawhin nuam a tiin, mahse chhuahsan hun a la neih ngei erawh a rin thu a sawi a, ngaihtuahna dang sen a la inbeisei thu a sawichhuak.
Holland hian Spider-Man: Homecoming, Far From Home leh No Way Home te hneh taka chang tawhin, amah leh Parker chu inhmeh hle tawha sawi a ni a, Brand New Day chhuah hnu hian eng nge a an zel dawn a hriat loh avang leh chang leh zel tur a ni em tih a inhriat bik loh thu a sawi a ni. Chona thar hmachhawn a chak thin thu a sawichhuak bawk.