Kum khat chhunga infiamna lama sum lak luh tam record thar an siam hnuah Real Madrid chu Forbes-in khawvela football team hlu ber a tarlanah a sang berah an thu leh ta.
Los Blancos-in 2024-25 season-a $ tluklehdingawn 1.27 an lak luh hian NFL team Dallas Cowboys-in 2024-a $ tluklehdingawn 1.23 an lak luh chu a khum a ni.
Hei hian Forbes-in infiamna team-te sum lak luh (inflation ngaihtuah tel lova) a teh thinah kum khat chhunga sum lakluh record thar a siam a ni.
Forbes tar lan danin Real Madrid hi tun hnai kum nga chhung chu khawvela football team hlu ber an ni ta a, kum 13 liam ta chhungin vawi 10 an ni tawh bawk.
Hei hi Spanish club liante tan chanchin lawmawm a ni a, season hnih chhung an theihna ang taka mual chhunga an chet that theih loh leh Santiago Bernabéu-a no mawi pakhat mah an chawi loh hnuah a ni.
Mual pawn lamah erawh khawvel football leh tunah phei chuan khawvel infiamnaah tehfung siamtu an ni leh ta a, an hlutna belh khawm chu $ tluklehdingawn 9.5 niin, an hmelma lian leh LaLiga champion lai Barcelona aiin $ tluklehdingawn 2 laiin an sang a ni.
Forbes list-a pahnihna hauhtu, Catalan team pawh an che chhe bik lo a, player hralhna tel loa kum khata $ tluklehdingawn 1 chuang la lut thei football team dang awm chhun an ni.
LaLiga chuan Real Madrid leh Barcelona chu No. 1 leh No. 2-ah nei mah se, top 30 team zinga a tam lamah chuan Premier League atangin team 11 ngawt an lang thung.
Hei hian UEFA competition-a tun hnaia an chungnunzia a hrilhfiah thei awm e, English team-te hian Europa League leh Conference League-ah a zawnin vawi hnih no mawi an la tawh a ni.
US, Mexico leh Canada-a World Cup khelh hma hian American team-te tan phurna lian tak a awm a, top 30 zingah MLS team pasarih an lang a, Premier League chiah an pha lo.
Club hausa 30 zingah hian Serie A atangin team pali an awm a, Bundesliga leh LaLiga atangin pathum ve ve an lang a, Ligue 1 atangin Champions League kawltu, Paris Saint-Germain an lang a, Portugal atangin Benfica an lang bawk.
- Forbes club hausa list 2026:
Real Madrid : $9.5 billion
Barcelona : $7.5 billion
Manchester United : $7.2 billion
Liverpool : $6.2 billion
Paris Saint-Germain : $5.8 billion
Bayern Munich : $5.7 billion
Manchester City : $5.5 billion
Arsenal : $5.4 billion
Chelsea : $4.2 billion
Tottenham : $3 billion
Atlético Madrid : $2.95 billion
Juventus : $2.4 billion
Borussia Dortmund : $2.2 billion
AC Milan : $1.85 billion
Inter Milan : $1.8 billion
Aston Villa : $1.4 billion
Inter Miami : $1.35 billion
LAFC : $1.32 billion
Newcastle United : $1.25 billion
LA Galaxy : $1.08 billion
New York City : $1.02 billion
Atlanta United : $1 billion
Benfica : $960 million
AS Roma : $940 million
Everton : $930 million
Fulham : $920 million
Brighton : $910 million
VfB Stuttgart : $880 million
Seattle Sounders : $860 million
Austin FC : $855 million