Kum 30 mi zaithiam leh kum 36 mi lemchanthiamte chuan May 31, Pathianni khan sawmbik tlemte hmaah ‘tiam tlat e’ an ti ve ta.
Dua Lipa leh Callum Turner te hi hun rei fe inzui tawh leh, inlaichinna nghet tak nei an ni a, London-a Old Marylebone Town Hall-ah sawm bik tlemte hmaah inkutsuihin, damchhung atan an ti dun tih official in an sawi.
An pahnih hian an inzawmna kum hnih dawn ni ve tawhin, anmahni lam hi an ngawi thei dun hle a, June 2025 khan Lipa chuan Turner nen inhualna an neih thu sawichhuakin, chutihlai chuan ‘Houdini’ tour a neih zawh lama inneih an tum thu a sawi a ni.
January 2024 khan Lipa leh Turner te hi London-a Masters of Air afterparty-ah tel dunin, heta tang hian an inhnimhnai tan nia sawi an ni a, an inhual thu an puan hnu phei hi chuan inneih thuai an tum thu sawi leh thinin, tunah erawh an duhthusamte chu tihkimin a awm ta a ni.
Dua Lipa chuan an inhual thu a sawichhuah hnu phei hi chuan Turner a duhna hi a zep lo chho hle a, a mipa duhzawng tak a nih thu sawiin, ani nena fa neih a, chhungkaw duhawm tak din a duh thu hi a sawi fo tawh thin.
Mahse, an kalna line inang lo tak a nih avangin atan tour neia zinchhuah harsat hun a la awm thei tih thlenga a ngaihtuah thin thu a lo sawi tawh thin a, hun tha leh ruahmanna tha zawk a awm zel theih erawh a beisei fo thin thu a lo sawi tawh thin bawk.