Zaithiam Charlie Puth chuan Los Angeles-a an chenna in chu official taka a hralh tak thu a sawi.
Kum 34 mi “We don’t talk anymore” singer hian LA-a Studio City venga an chenna in ropui tak chu $mtd 2.1 in an hralh tih a sawi a, he lai hmun hi a nupui Brooke Sansone Puth nena an fa hmasa ber pianna a nih avangin a hriatreng tawh tur thu a sawi bawk.
A in hralh tak hi bedroom panga leh bathroom panga awmna, square feet 2,400 a zau niin, LA skyline thlir theihna a nih bakah, compound zau nuam tak square feet 450 a zau a awm bawk a ni.
Property record a tarlan a nih danin kum 2021 khan Puth chuan a in hi $mtd 1.5 in a lei a, August 2025 khan hralh a duh thu sawiin, $mtd 2.9 bawr vela a man chhiar tan an ni.
Kum 2025 October thla khan an fa hmasa ber chu a in hralh takah hian piangin, an naute neih lai pawh hian hralh an tum tawh avangin dawrtu an awm nual tawh nia sawi a ni a, kumin March 23 khan a nupui nen hian IG lamah official takin hralh an tum thu hi an puang chiang ta a ni.