Zaithiam Dua Lipa leh Callum Turner te inneihna chuan a la tawp thei meuh lo a, June 6 khan Palermo, Sicily lamah chhunzawm niin, an thian leh chhung hnai an thahnem leh hle.
An inneih inkhawm thawhhnihnaah hian Elton John chuan ‘Your Song’ tih hmangin kalkhawmte a awi a, ama tum ngei piano hmangin a zai a ni.
Kum 30 mi zaithiam leh kum 36 mi lemchanthiam te inneih inkhawm thawhhnihnaah hian Donatella Versace, Joe Alwyn, Olivia Dean, Charli XCX leh a pasal, The 1975 drummer George Daniel bakah Tame Impala singer Kevin Parker leh a nupui Sophie Parker, Mark Ronson leh a nupui Grace Gummer te an tel a, Dua Lipa unaunu Rina Lipa leh a pa Dukagjin Lipa te an tel bawk.
Tarlan tawh angin Lipe leh Turner te hi May 31 khan London-a Marylebon Town Hall-ah an innei a, an inneih inkhawm hi la zo hlei thei lovin, hmun danga lawmna neih an la tum em tih pawh hriat theih a la ni rih lo a ni.