India sorkar in Special Intensive Revision (SIR) a kalpui mekah khawtin leh vengtina BLO/Asst. BLO ten theihtawp chhuahin hma an la zel a, mipui lam pawhin kan theihtawpa kan lo thawhpui thiam a tha hle.
In tin luhchhuaha he thil hi tih ngai a ni a, voters identity card nei zawng zawngin a mawhphurtu leh hmalatute kan lo thawhpui a, harsatna siam zawnga kan lo khawsak loh a tha hle bawk.
Hun tiam nei, chumi chhunga tih zawh ngai chu a nih avangin BLO te pawh hmun tinah an tang a, theihtawp an chhuah a, tihkim loh neih palh an hlau hle tih kan hriat a tha a, an lehkha semchhuah angte dik taka kan lo ziahkhat a, buaina siamsaktu kan lo nih loh pawh a tha hle.
Tihdan thiam lo leh hre lo zawkte tan BLO te hi an inhawng reng a, pui turin an inhuam reng tih kan hriat a tha bawk. Chutihrual chuan anmahni pui theitu kan lo nih a tulna chin pawh a awm ang, kan veng leh khawtlang tana kan tanrual hun tak tur a ni.
Khua leh tui tha ni turin kan chanvo lo hlen ve ila, hriat loha paih ngawt theih dinhmunah kan ding mek tih hriain, SIR ah hian lo inziaklut vek ila, keimahni min puia min hrilhfiah turin BLO te an awm reng tih i hre bawk ang u.