North America lama LUX tour nei mek Rosalia chuan Florida lama a concert tur chu a thulh a, ticket leitu fans te zawng zawng ngaihdam a dil.
June 4 khan Rosalia chuan X-ah Miami-a Kaseya Center programme sawn a ngaih thu tarlangin, chhungkaw thil vang liau liau a nih thu a sawi a, June 4 leh June 6 a ruahmanna lo awm tawh chu sawn hlat a ngaih thu a sawi.
Kum 33 mi Spanish superstar hian June ni 4, ni 6 leh ni 8 hian a US tour neih tum chu ruahmanna hrang hrang kalpui a nih hnuah cancel leh rih a ngaih thu hi a sawi a, June 8 hi Orlando lama a tour neih hun tur niin, fans ticket nei zawng zawngte ngaihdamna a dil chhunzawm bawk.
Mahse, Rosalia chuan ticket neitute chu lo chiai lo tur leh an ticket ngei hmanga hun an la hman dun leh thuai tur hi hrilhin, lo kawltha reng turin a ti.
LUX tour hi Rosalia album palina, nikum November-a a tihchhuah vawrh larna kal zel a la ni a, March 16, 2026 khan Lyon, France atanga bul tanin, September 3, 2026-ah San Juan, Puerto Rico-ah hmawrbawk tum a ni.
Rosalia hi a vanduai chho hrim hrim a, a tour tan tirh lam hian Milan-ah thil eisual (food poisoning) avangin a concert laiin harsatna a lo tawk tawh bawk a, fans sing chuang hmaah a damloh thu puan ngaiin a lo awm tawh a ni.