Aizawl: Mizoram Cooperative Apex Bank Ltd. Board of Directors Meeting Nilainia thukhawm chuan, mi mal leh pawl loan dilna 108 pek a remti.
Mizoram Cooperative Apex Bank Ltd. Chairman Lalnunsanga kaihhruaia Head Office-ah thukhawm chuan, loan dilna 108 pek a remti a. Heng loan dilna hrang hrangte hi mi mal leh pawl atanga lut Agriculture loan te, sumdawnna, Bana kaih (Handholding) leh Biak In sakna loan-te an ni a. Loan hrang hrang zat belh khawm hi a vaiin Rs vbc 25.56 a ni.
Board Meeting-ah hian Bank inrelbawlna hrang hrangte thlirhona leh Apex Bank-in Policy thar a duan te chu pawm a ni a. Reserve Bank of India atanga A. Lallungmuana, Chief Executive Officer atana ruat remtihna lehkha an dawn chu Board Meeting chuan lungrual takin an pawm nghal bawk.
Tun dinhmuna Apex Bank hian Branch 35 neiin Bank sum dinhmun hi – deposit Rs vbc 1,928 niin Loan pek chhuah zat belh khawm chu Rs vbc 1,281 a ni a. Sum kawl zat atanga Loan pekchhuah zah tehfung CD Ratio hi zaa 66.50 a tling a ni.