Kevin Jonas chuan a unaupa Nick Jonas leh Priyanka Chopra inngaizawng chho ringawt kha mak a tih tak zet thu a sawi.
Hey Jonas podcast-a episode pakhatah he thu hi Kevin chuan sawichhuakin, ka hriat tirh chuan mak ka ti hle a, Priyanka hi kei ai pawhin a upa a, ka nau nena an in-date tih han hriat kha awihawm loh tak a ni, a ti.
Ka hriat tirh chuan ka mak ti lutuk hi bathroom-ah te ka va lut leh ringawt thin a, awih tur nge awih loh tur tih reng ka hrethiam thei lo, a ti bawk.
Ka nau Nick chuan a dik tak zet tih min hrilh pawhin ka la awih theih chuang lo a, an kum inthlauhna hi kum 10 a ni a, a mak ka ti hle. Nick chuan, ‘Min lawmpui a, kut min benpui zawk ta che,’ a ti pawhin awm dan reng ka la thiam chuang lo a ti.
Nick Jonas leh Priyanka Chopra te hi kum 2017 atang khan an in-date tan a, kum 2018 July thlaah inhualin, hemi kum vek December 1 khan India ramah an rawn innei a ni. Tunah hian an fa hmasa ber Mali Marie January 15, 2022 a piang an nei bawk.