Aizawl: UD&PA Minister K. Sapdanga’n Aizawl Smart City Ltd hnuaia hna kal lai mek, Material Recovery Facility (MRF)-ah Ningani khan a tlawh a, thing a phun nghal.
Minister-in thing a phunna, MRF kaltlang hian sorkar chuan bawlhhlawh tawih thei lo enkawlna leh sawngbawlna tha leh rintlak kalpui a tum a, AMC huam chhung atanga bawlhhlawh khawnte chu then hran an ni ang a, plastic, lehkha, thir, electronic-waste leh a dangte chu thil danga siam chhuah leh tura hralh chhuah emaw, a siam chhuak theite hnena hlan a ni ang.
Aizawl Smart City Limited chuan Aizawl Municipal Corporation, M/s Nepra Resource Management Pvt. Ltd., Gujarat leh M/s JN Buildcon, Mizoram-te nen Material Recovery Facility (MRF) dinna atan Tripartite Agreement a siam a. MRF Tripartite Agreement hnuaiah hian M/s Nepra Resource Management Pvt. Ltd. chuan kum 10 chhung MRF chu an enkawl dawn a ni. MRF khawlte hi ni khatah bawlhhlawh tonne 75 dawl thei tura ruahman a ni.
UD&PA Minister bakah hian UD&PA Department-a mi pawimawh tak tak ten thing hi an phun ve bawk.