Chief Minister Lalduhoma hovin Thawhlehni khan a office chamber-ah Planning & Programme Implementation Department leh Finance Department hotute an thukhawm a. Ministry of Finance-in hmarchhak huapa Institutional Capacity in North Eastern Region Workshop, Shillong-a neih tur inbuatsaihna an thlirho bakah, SASCI hnathawh mek leh hmachhawpte an thlirho bawk.
Sorkar laipui Ministry of Finance chuan India hmarchhak biala Externally Aided Project (EAP) kalpui chungchangah awmze nei zawka hna a kal theih dan tur zirhona — Strengthening Institutional Capacity tih chu Shillong-ah hian a buatsaih dawn a. He workshop-ah hian hmarchhak biala EAP Institution leh Technical Capacity tihchak dan tur te, state hrang hrangten EAP an kalpuina lama an tawnhriat inhrilhtawnna te leh Ministry hrang hrangte tha zawka an thawhho dan tur te zirho a ni dawn a ni.
He workshop-ah hian hmarchhak biala chief minister zawng zawngte tel tura beisei an ni a, Mizoram Chief Minister Lalduhoma pawh hmarchhak bial hmasawnna tur atana pawimawh thupui hmangin thu a sawi dawn a ni.
Workshop atana inbuatsaihnate an sawiho hnu hian SASCI 2025-26 hna kal mek leh SASCI 2026-27 chhunga hmalakna thar tur hrang hrangte an sawiho chhunzawm a ni.
Thutkhawmah hian TBC Lalvenchhunga, Adviser to CM (Financial Affairs) pawh a tel a ni.