Latin zaithiam Shakira chuan a nun chanve ai tam mah chu football nen a inzawm tlat thu a sawi a, a fate nena chatuana suihzawmtu chu football a nih thu a sawi.
Kum 49 mi pop star chuan football hian ka nun min thlak danglam vek a, world cup heti zat ka hmang thei pawh hi football vang a ni, ka tan chuan hriatreng tawh tur min hnutchhiahtu a ni bawk, a ti.
Kum 2006-ah world cup hla ka sa tan a, kum 2010-ah sa lehin, world cup apianga hla sa tura inngaihna emaw, min beiseitute hi an awm ta reng a, ka fate nena min suihzawmtu chu football hi a ni chiang tawh hle, a ti bawk.
Tunah hian world cup lai a nih avangin a fate nen a hmunah an chetla mek a, world cup hi a fate pahnih Milan,13 leh Sasha,11 te pa Gerard Pique nen an inchhar tanna a nih bawk thu a sawi.