World Cup khelh mek a ni a, chanchin ngaihnawm tak tak a awm nual tawh a. Ningani thleng khan inkhel 24 awm tawhah goal 75 a lut tawh a, inkhel tinah goal 3.125 lut hi kum 1958 hnua group stage inkhel hmasaa a sang ber a ni.
Tun World Cup hi tihlen a ni, inkhel 24 khelh tawhah pakua chu an inhnehtawk a, 37.5% niin kum 2010 hnua tun dinhmunah chuan a sang ber a ni.
Player parukin inkhelh vawi khatnaah goal-a pet vawi ruk leh a aia tam an nei a, pahnih chauh – England tan Harry Kane leh Argentina tan Lionel Messi te chiahin goal an la thun.
Kane-a goal hnihin Gary Lineker-a’n World Cup-a England tana goal 10 khunga khung tam ber a nihna a nihrual a. Messi-a pawhin a hattrick hmangin German striker Miroslav Klose-a’n goal 16 thuna tournament chanchina goal khung hnem ber a nihna a nihrual bawk.
Turkey midfielder Arda Guler chu shot tam ber a ni a, Real Madrid player a ni.
South Korea tan Son Heung-min chu opening round-a goal khung beisei dan atanga thlirin a chhe ber a ni a, remchang vawi ruk a neih a khung lo vek.
Player pasarih chuan an game hmasa berah chance panga siam mah se Germany captain Joshua Kimmich chauh a teammate-ten an hlawkpui a, Curaçao 7-1 a an hneh tumin a thiante thun tur vawi hnih a siamsak.
Spain forward Pedri chuan Cape Verde lakah a team-in goal an thun theihna tura remchang chhawp chhuak tam ber a ni a, expected assist (1.23) lamah inkhel hmasa berah ngah ber a ni a. Final third-ah vawi ruk ball a chang bawk a, World Cup-a player dang zawng zawng aiin a let hnih zetin a tam.
Ivory Coast tana chakna goal thuntu, Amad Diallo chu tun thlenga ball tlanpui tha ber a ni a. Substitute niin minute 34 chiah khel mah se Manchester United midfielder hian ball tlanpui a ngah ber a, vawi nga aia tam a nei a ni.
Vinícius Junior chuan Morocco lakah Brazil si phurh sutna goal a khung a; mahse, an inkhelh chhungin an tumpuite ball nena tlan pelh tuma a beih vawi kuaah hlawhtlinpui a nei lo va. World Cup-ah hian tun thlengin player dangin vawi li aia tam ball tlanpui tuma hlawhtling lo an awm lo.
Player-te mi mal inelnaah Panama player Jiovany Ramos leh Senegal player Krépin Diatta te chu 50-50 ball-a hnehna chang tam ber an ni a. Hetianga inchuh vawi 10 leh a aia tam nei player 158 zingah chuan anni pahnih hi hnehna chang tam ber an ni a, an team-te hnehna erawh an chanpui zo lo thung.