Zaithiam Black Shelton chuan kum 50 tlingin, a nupui Gwen Stefani, kum 56 mi chuan lawmpuina leh duhsakna anka nem leh thlum tak a hlan.
Stefani chuan an thlalak dun hlui tawh tak takte phochhuakin, video tawi thenkhat a dah chhuak tel bawk a, ‘Ka hmangaih che,’ tiin a sawi bawk.
Shelton te nupa hi a reh deuh vang vang hnuah May thla khan Stefani te band No Doubt show Las Vegas-ah inlanin, hemi hnu hian social media an rawn luahlum chho nasa leh tawh hle a ni.
An pahnih hian reality show The Voice atanga inchhar niin, kum 2014 atang khan an inhnimhnai tan a, July 2021 khan inneiin, nikum July thla khan an inneih kum lina nuam tak an lo hmang dun tawh a, social media lamah an lo dahchhuak nasa tawh hle bawk.