Lemchan thiam Priyanka Chopra chuan Hollywood lama a hming a chher chhoh viau hnuah Bollywood lam bansan mai lovin, project lian tak nen a lokir leh dawn.
Kum sarih a vei hnuah lemchanthiam hian bollywood film lian tham a rawn chang leh mek a, SS Rajamouli direct-na hnuaiah action-adventure a chang mek tih nemngheh a ni.
He film hi India film project lian tham pawl a tling phak dawn a, India pawisa Rs 1200-1400 crore vel senna tur niin, Georgia, Antarctica, Africa leh Hyderabad-ah te shooting thenkhat neih tawh a ni bawk.
He film hi April 7, 2027 a tlangzarh tura ruahman niin, Priyanka chuan a phur tawh thu leh, hna hautak tak a thawh mek thu a sawi.
Hetih lai hian Hollywood lamah a chawl dawn tihna a ni lo a, phai lam media thenkhatin an kawmnaah Chopra chuan Hollywood A-list zinga mi Angelina Jolie nen project pawimawh tak an neih dun thu a sawi a, movie nge advertisement campaign lam tih erawh a la sawi theih loh thu sawiin, Jolie bakah hian Penelope Cruz leh Salma Hayek te nen pawh hmachhawp an nei niin a sawi bawk a ni.