Aizawl: Aizawl District Bawrhsap Er. Lalhriatpuia chuan Thawhlehni khan Aizawl DC Pisapui Hall-ah Aizawl district hnuaia Rashtriya Gram Swaraj Abhiyan (RGSA) hnuaiah atangin Village Council (VC) pasarih hnenah computer set leh printer a sem.
Computer set leh printer te hi Chhanchhuahna khawpui, Darlawn Vengpui, Khawpuar, |inghmun, Sateek, Sunhluchhip leh Thingsat te hnenah sem a ni.
Aizawl Bawrhsap chuan he hmalakna hi Digital India, Vikshit Bharat @47 leh Sustainable Development Goals (SDGs) hlawhtlinna tura rahbi tuka intanna a nih thu sawiin, VC-te chu an khuaa ramngaw, lui, hmanlai thil hlu, vantlang thil neih leh sorkar hmalakna hrang hrang bultan ni leh thawh zawh nite fel taka record nan hmang turin a chah a, hei hian VC record a tihfelfai piah lamah langtlang taka hma la thin an nihna pholangin sorkar hnena mamawh thlen hunah pawh kawng a tiawlsam dawn a ni, a ti bawk.
Aizawl District-ah hian VC 70 awmin tun hma lamah computer set hi lo pek vek tawh a ni. RGSA thil tum lian ber pawh VC-te thuamchak a, tunlai thiamna mila ke an pen ve theihna tura kawng sialsak hi a ni.