Aizawl: Aizawla NGO hrang hrang hruaitute chuan Electoral Roll-a inthun leh paih dilna hawn huna hearing neih hunah uluk taka anmahni huam chhunga theuh vil an tum.
Central YMA Committee Room, Tuikhuahtlang, Aizawla Nilainia NGO pawl hrang hrang hruaitute thukhawm hian Election Commission of India (ECI) ruahmanaa Electoral Roll enthatna, Special Intensive Revision (SIR), 2026 neih mek chungchang an ngaihtuah a, Enumeration Form-te digitization tih zawh tawh a ni chu lawmawm an ti a, thawktu zawng zawngte chungah lawmthu an sawi.
July 5, 2026 atanga August 4, 2026 thlenga inthun belh leh paih (claims & objection) dilna hun hawn turah India khua leh tui dik tak chauh thun an nih theh nan huaisen taka hmala turin a buaipuitute an ngen nghal.
NGO-te hian hearing neih hunah pawh uluk takin anmahni huam chhung theuhah vil zui an tum tih an thuchhuahah an tar lang.