Mizoram Peace Accord ziah kum 40-na, Ruby Jubilee of Mizo Peace Accord puala Special Lecture hun chu Nilaini khan Aizawl Theological College (ATC)-ah neih a ni a.
Zoram Research Foundation leh Aijal Club leh NCCI hnuaia India Peace Centre leh ATC tangkawpin an buatsaih he hunah hian NCCI India Peace Centre Director Michael Angelious-a’n ‘Sustaining the Peace Accord; 40 Years & Beyond’ tih thupuia hmangin zirtirna a pe.
He hun hi ATC zirtirtu, Rev. Prof. R. Vanlaltluanga’n a kaihruai a, Principal Rev. Dr. Lalrinkima’n thuhma sawiin Zoram Research Foundation President Prof. Thangchungnunga’n thu tawi a sawi bawk a, ATC Registrar Dr. Lalrindiki Ralte-in tawngtaiin kalkhawmte a tin a ni.