July ni 3 khan Madison Square Garden-ah Taylor Swift leh Travis Kelce te chu inneiin, milar thahnem tak an pungkhawm a, an zingah hian a thian nghet Selena Gomez te nupa pawh an tel.
A incheina chuan Selena leh a pasal Blanco te inneih laia Swift-i incheina a ang hle nia sawi a ni a, hei hian a thiantha tak pasal neih chu a lawmpui takzet thu leh a ngaih pawimawhzia a tilang nia sawi a ni.
Selena chuan a thiantha tak, a rilru natna leh a harsatna engkim a hrilh ngamna Taylor Swift pasal neih ni chu a ngaih pawimawh thu sawiin, engmahin min dal thei lo, he hun hi a hlu a ni, a ti a. A pasal Benny Blanco nen ngei an tel dun thei chu chhinchhiahtlak tak a nih thu a sawi bawk.
Taylor leh Travis te inneihnaah hian milar tak tak an fuankhawm nasa hle a, an inneihnaa kalte hnen atang hian present engmah ken an duh loh thu hi a hmaa lo sawi tawhin, a kal zawng zawngte hi gift an pe vek hlawm thung a ni.
An pahnih hian October 2023 atang khan an in-date tan nia sawi an ni a, August 2025 khan inhualna neiin, an kalna apiangah mipui bawr an hlawh zui hle.