Arsenal chuan Aston Villa leh England defender Ezri Konsa an ngaihven hle.
Premier League champion Arsenal hian kumin nipui bazarah hian Aston Villa-in player an hralh a ngai tih an hria a. An player pawimawh ber Morgan Rogers, Arsenal-in an en zui reng bawk chu chan an hreh hle a, mahse player dangte erawh a dawrtute a zirin an chhuah phal a rinawm.
Konsa hian centre-back anga a khelh theih bakah right-back anga a khelh theih bawk avangin Arsenal squad-a lak luh chungchang an sawi ho mek a ni.
A contract-ah kum hnih a la awm a, Arsenal chuan £ maktaduai 35 velin an hruai chhuah theih an inring a; mahsem inbiakna erawh an la nei lo. Villa erawh chuan a man hi hei ai hian an chhiar to thung.
Arsenal hian William Saliba hnungzang na avangin nakin zela a theihna a tlak hniam an hlauhthawnpui a, an vil reng bawk a, hei vang hian he position-ah hian sum an sen belh a ngaih phah thei a ni.
Kum 2019 khan Villa hian Brentford atangin £ maktaduai 12-in Konsa hi an lei a, Premier League-a a khel tha tluang ber zinga mi a ni chho thei a ni.
Arsenal hian kumin nipui bazarah hian player tha tak pali emaw, panga emaw tal lak luh an tum a ni.