Tunkar chhungin ruahtui a thla tha a, sur bur bur reng ni lo mahse pawn chhuah tinuam lo tawka a tlak reng avangin lei a nem a, chhiatna thlen duh hun a nih avangin mitin i fimkhur thar ang u.
Khawpui chhung pawh hmun rem lo leh hlauhawm tak taka khawsa kan tam avangin kan chenna in leh a vel en uluk ila, harsatna thleng palh thei laka inveng chungin kan fimkhur a tul hle.
Lung tla hriat tur a awm leh tan a, zin veivak leh lirtheia khawpui chhunga tlan kual tan pawh kan tlanna leh awmna hmun en uluk a, kan inven a ngai zual hle bawk.
Harsatna leh chhiatna hrang hrangte hi a tam zawk hi chu kan lo inhmakhua theih leh kan lo inven lawk theih a nih avangin mitin kan fimkhur a, a theih hram chuan pawn chhuah tam loh kan zir thar pawh a tul hle mai.
Hri leng tam hun lai, natna hrang hrang thlen duh hun lai a nih bawk avangin mitin fimkhur ila, ruahsur hnuaia awm loh kan zir thar a, a theih hram chuan ruah do lo hram hram tura kan inruahman thiam pawl a tul bawk.
Ruahtui tlak hun lai hi chuan a theih chin chinah ina awm tamin, hna avanga chhuah ngaite pawhin kan kalkawng leh awmna enfiah chungin, ruah do lo zawnga chet i tum zel ang u.