Benny Blanco chuan a nupui Selena Gomez nen nen vantlang hriata an inzui tan nia sawi hma kha hun rei fe nghet taka an lo inkawp tawh thu a sawi.
Spanish chanchinbu El Pais in an kawmnaah kum 38 mi chuan, a nupui kum 33 mi Gomez nena khawvelin an inzui tih an hriat tantirh kha chuan nghet taka an lo inzui tawh thu sawiin, kan inkar kha a tha mah mah tawh zawk, a ti.
Kan inzawmna hi hun rei fe chhung kha chu keimahni ve vein fimkhur takin kan thup ngar ngar a, midang min lo hmehbel tum anga thuthang a lo awm a nihchuan chutiang a ni lo, khawvelin kan inzui tih an hriat hma thla kaw chuang kha chu nghet takin kan lo inzui tawh, a ti bawk.
A tir chuan Gomez hian min duh ka ring bik lo a, ani chu a naupan lai atanga lar tawh, a puitlin hnu thlenga star ni chho a ni a, thian atan mai min ti pawh nise ka pawm thlap ang, a ti zui bawk.
Mahse, kan inkungkaihna a nghet zel a, kan chhungte leh thiante kan inhriattawnpuiin, kan inneltawn hlawm hle a, kan inhmangaihna hi a nghet tak zet a ni, Blanco chuan a ti.
Blanco leh Gomez te hi kum hnih dawn an inzui thu a than hnu September 27, 2025 khan an innei a, tunah hian project lian tak tak neiin, chanchin thar lam tak tak neih thuai an tum nia sawi an ni.