The Karshashians star zinga mi Kim Kardashian leh F1 driver Lewis Hamilton te inkar boruak a tha chho zel a, an thlalak hrang hrang hmuh tur a awm leh nual tawh.
Kim-i unaunu Khloe Kardashian chuan kartir khan chawlh an hmanna thlalak thenkhat social media lamah dahchhuakin, hetah hian a fate bakah, Kim K-i fate pahnih leh Hamilton an lang tel.
An chawlh hmanna hmun hi tarlan ni lo mahse, tuipui kamah leh lawngah te naupang ho nen chuangin, Khloe-i hian a fate nena an thlalak hrang hrang a dahchhuak a, a unaunu Kim-i te chhungkaw ho an lang nual bawk.
Naupang ho thlalak hrang hrang hmuh nuam tak tak karah hian inhaw lo taka Kim Kardashian leh Lewis Hamilton awmdun lai a awm bawk a, hei hian an inkar a tinghet chho zel tih a nemnghet a ni.
A hmain Japan lamah Kim-i te nufa ho leh Hamilton hian chawlh hun an lo hmang tawh a, a fate leh Hamilton chuan inkungkaihna leh inpawhna nghet an nei chho zel nia sawiin, an inngeih chho viau tawh niin a lang.