Aizawl: Sorkar laipuia parliamentary affairs ministry-in ram puma Eklavya Model Residential School (EMRS)-te tana National Youth Parliament Competition a buatsaih mekah Mizoram atanga tel, EMRS Ngopa chu zone level-ah pakhatna niin zone dang pahniha pakhatna pahnihte nen intihsiakna an nei leh dawn.
National Youth Parliament Competition hi parliament rorel dan kalphung chan chhuahna niin zirlaite tan mipui rorelna te, ram rorel dan leh khawtlang inrelbawlna chiang zawka an hriatna tura duan a niin ministry hian a vawi khat buatsaihna a ni.
EMRS Ngopa hi zone pathuma India thenah Zone I-ah pakhatna an ni a. Hemi hma hian Zone I-a awmte zone thumah thena intihsiaknaah March thla khan North East region-ah pakhatna a lo la tawh a. Nilaini khan heng zone then leh pathuma pakhatna theuh hi EMRS KUMULUNG, West Tripura-ah intihsiak lehin Mizoram atangatelte hi pakhatna an ni leh a ni.
Zone pathuma India thena a titha ber theuhte inelna, national level hmachhawn turin an kal leh ang.
Mizoram EMRS Society hnuaiah hian functional sikul 11 a awm a, zirlai 2,852 an awm mek a. Ngopaah hian zirlai 303 an awm.