Aizawl: Mizoram Youth Commission hnuaia Promotion of Reading Culture leh Venghlui Branch YMA hnuaia Library & Archive Sub-Committee tangkawpin YMA chhang pualin ‘Lehkhabu chhiar campaign’ Central hall, Venghluiah Inrinni khan an hmang.
He hun hi MYC Chairman Malsawmzuala Ralte-in hmanpuiin lehkhabu chhiar thatna leh tangkaina bakah naupang leh tleirawlte chu lehkhabu tha chhiar taima deuh deuhin turin a fuih a. MYC hian tleirawl chawhnu inkhawmah leh sikulah te Reading Culture Promotion Programme hi a neihpui thin tih sawiin, a sawm duh apiangte tan a inhuam reng thu a sawi bawk.
Dr Lalrinsangi Nghinglova, Promotion of Reading Culture Member-in powerpoint presentation hmangin lehkhabu chhiar thatna leh tangkaina hrang hrang a sawi bawk.
Chawhnu lamah YMA chhang te hi infiamna leh quiz hmanga inelna hun hmanpui an ni.