Kum 57 mi zaithiam Marc Anthony chuan a nupui Nadia Ferreira, kum 27 mi nena an fa pahnihna ni turin hmeichhia an nei tih a sawi.
Instagram-ah an naute thlalak hi tarchhuakin, ‘Myla, kan lo lawm a che. Malsawmna tam tak dawngtu ni la, i chunga kan hlimna hi a sang hle a ni,’ a ti.
Marc leh Nadia te hian an fa hmasa ber atan Marco, kum 2 mi neiin, an chhungkua hian member an punbelh tur thu hi an lo sawi tawh a, tunah fanu peka an awm leh tak avang hian an hlim hle a, a thlalak hrang hrang pawh an tarchhuak nasa hle a ni.
Heti hian an naute thar pian leh hnu hian Anthony bik hian a fa pariatna a nei chiah a, a hmain a kawppui hlui Debbie Rosado nen fa pahnih Arianna,32 leh Chase,36 te neiin, a hnuah Dayanara Torres nen Cristian, 25 leh Ryan, 22 te an nei bawk.
Hemi hnu hian a nupui hlui Jennifer Lopez nen phir Emme leh Maximilian,18 an nei bawk a, a fa hmasate hi an nute bulah theuh awm hlawmin, Anthony leh a nupui ni mek Ferreira te hian chhungkaw thar an din leh mek a ni.