Brad Pitt leh Angelina Jolie te fanu Vivienne chuan a hming tawpa a pa hming paih turin court-ah ngenna a thehlut ve ta.
Kum 18 mi ni ve tawh Vivienne hian Los Angeles County Superior Court-ah a hming thlak dilna hi thehlutin, a hming Vivienne Marcheline Jolie-Pitt tih chu Vivienne Marcheline Jolie tia thlak a dil a, a thlalak duh chhan chu ‘mimal thil vang’ niin a ziak tel.
Vivienne-i ngenna hi November 2 a ngaihtuah tura tih niin, a hlawhtlin ngei a beisei thu amah chuan a sawi bawk.
Vivienne-i hma hian a ute pahnih Zahara leh Maddox chuan an hminga an pa hming bet tel thin chu official-in an paih tak thu an lo sawi tawh a, an fate hi Jolie hian a awmpui vek avangin an pa hi an ngaithei lovin, an pa hian a tlawh ngai loh bakah an chanchin pawh a ngaihven ngai lo nia sawi an ni.