Zaithiam Cardi B chuan a fan te tana hun tam zawk a hman theih nan leh zalen taka hringnun a hman theih nan ngaihzawng lam a ngaihtuah ngai rih loh thu a sawi.
A hmangaihna zinkawng hrang hrang zawhna chhan sen loh a dawn thin thu sawiin, single-a awm nuam a tih thu leh mahni chauh inngaihtuah a, mahni khawvela awm rih chu a duh dan leh nuam tih ber a nih rih thu a sawi a ni.
Kum 33 mi zaithiam chuan, ka damchhung hian ka single dawn em ka hre lo, kawppuite chu ka la nei ve ngei ang. Mahse, tour leh programme hrang hrang ka la nei chho ve zel dawn a, heng hun lai hi chuan zalen taka hun hman a, ‘single’ rih hi ka la duh zel a ni, a ti.
Mipa tam tak chu ka lam panin an lokal ve thin ngei alawm, duh zawng leh ngainat zawng pawh ka nei ve thin. Hun khirh tak tak pawh ka tawng fo.
Mahse, keimah hi ka project lian tak tak min tibathlah thei laka fimkhur ka tum fo avangin ka inveng nasa thei hle a ti a ni.
Thiante nena lungkham nei lova chawlh hman hi nuam ka ti a, engmah venthawn leh vei nei lova awm hi ka duh dan a la ni rih a ti bawk.
Kawppui neih loh tawp erawh a duh dan a nih bik loh thu sawiin, ka la nei ve ngei erawh chuan ka ring, a ti.