Aizawl: Chief Minister Lalduhoma hova Mizoram Kohhran Hruaitute Committee (MKHC) leh Council of Churches in Mizoram (CCM) hruaitute Inrinni chawhnu dar 3-a Chief Minister Bungalow-a thukhawm chuan, Foreign Contribution (Regulation) Act (FCRA) Amendment 2026 Bill chu pawm theih a ni lo tiin, Union Home Minister Amit Shah-a hnena memorandum thehluh an rel.
Thutkhawmah hian Chief Minister, MKHC leh CCM hruaitute chu FCRA Amendment 2026 dan siam that dan chungchang hi inpawh tlang taka sawi hovin, tuna Bill ang hi chuan pawm theih lohah an ngai a. Tihdanglam rawtna chu Memorandum hmangin sorkarin lo buatsaih se, Chief Minister-in Home Minister hnenah appointment buaipui se, MKHC leh CCM hruaitute nen Delhi-ah Memorandum thehluh ni se tih an rel a ni.
Chief Minister hi Adviser to CM Lalmuanpuia Punte leh TBC Lalvenchhunga ten an tawiawm a ni.