Aizawl: Mizoram Pradesh Youth Congress Committee (MPYCC) President Ngurdingpuia Pachuau chuan Congress thalaite chuan Mizoram mipui tan nasa zawkin hma an la leh tan dawn tih sawiin, sorkar kal dik lohna leh tawngkam thiamna avanga thil sawimam tumna laka mipui humhim leh thil dik phawrh chhuah hna an thawk dawn tih a sawi.
Thawhlehnia Congress Bhavan-a MPYCC General Secretary-te’n thutkhawmnaah Ngurdingpuia Pachuau chuan Congress Party President Lal Thanzara hruainain Mizoram tan a tha zawngin danglamna mellung an phun dawn tih a sawi.
BJP sorkar chu mipuiin an hnawl mek a, sorkar kal dik loh avangin Education Minister Dharmendra Pradhan pawh a bang tawh tih sawiin, August 4 hian Road Transport & Highways Minister Nitin Gadkari banna phut thalaiten Delhi-ah nawrh huaihawt an tum bawk tih a sawi a. State hrang hrangah pawh BJP MP leh Minister fate’n BJP leh RSS beia hmalakna an zawm chho mek niin a sawi.
MPYCC President chuan Mizoram hnam leh sakhaw himna leh hmasawnna atana inpe turin Mizoram thalaite an sawm tak zet tih sawiin, Congress thalaite chu hetiang hnathawk tur hian an inpeih reng thu a sawi bawk.