Aizawl: Higher & Technical Education Minister Dr. Vanlalthlana pisaah Thawhlehni khan a thlawna online IAS Coaching zir thei tura thlanchhuah Mizo zirlai mi 15-te kawmna hun neih a ni.
Minister chuan Mizo zirlaite tana a thlawna IAS online coaching kum hnih chhung atana buatsaih a ni hi Higher & Technical Education Department hotute thahnemngaihna te, SDPO Aizawl North Arun Balgotra, IPS inpekna te leh Shankar IAS Academy, Chennai-te thilphal vang a ni tiin lawmthu a sawi.
He hmalakna hi Arun Balgotra, IPS-a’n Shankar IAS Academy leh Mizoram sorkar inkarah thawhhona a lo buaipui sak tak avanga puitling thei a ni a, an inkawmhona hunah hian zirlaite fuihna thu a sawi bawk.
An inkawmhonaah hian Higher & Technical Education Director Laltanpuia leh department hotu pawimawh dangte an tel a ni.