Aizawl: Tripura leh Mizoram inkar ramri buaina ching fel tura hmalakna atan state pahnih official-te an inbe dawn.
August thla chawlhkar hmasa berah Agartala-ah state pahnih aiawh, senior administrative official-te’n high-level meeting neiin an inbe dawn a ni.
Shillong-a North Eastern Council (NEC) meeting neih zawh takah khan, Tripura Chief Minister Manik Saha leh Mizoram Chief Minister Lalduhoma-te’n inbiakna hlawhtling tak an lo neih tawh hnuah, state sorkar pahnih hotute inkarah ramri chungchang inbiakna hi chhunzawm zel tura an tih angin, Tripura Chief Minister hmalaknaa inbiakna nei tura ruahmanna siam a ni.
Agartala inbiakna neih turah hian ramri chungchang bakah state pahnih inkara thawhhona tihchak zual dan turte, remna leh muanna a awm zui zel dan tur re, ramri bula chengten harsatna an tawh dan te leh an nunphung tihmasawn tura thawhho dan tur chungchangte pawh sawi ho tura beisei an nih thu sap tawng chanchinbuin a tar lang.