Aizawl: Mizoram district 10 hnena nihawi chi sem tur vai liamna leh favanga uar zawka nihawi ching tura campaign kick-off neih a ni a. He hun hi Agriculture & Farmers’ Welfare Minister P.C. Vanlalruata chuan khuallian niin a hmanpui a, nihawi chi sem tur hi a vai liam nghal a ni.
Directorate of Agriculture & Farmers’ Welfare Conference Hall-ah nimina hun hmanah P.C. Vanlalruata chuan India-ah edible oil mamawhna a san chhoh zel thu sawiin, kum 2024 chhung khan ram chhungah maktaduai 25 metric ton aia tam mamawh a nih laiin zaa 40 (12.1 metric ton) chauh thar chhuah a ni a, a bak zaa 60 (15.6 metric ton) chu ram dang atanga lak luh a ngai thin tih a sawi.
Central scheme pawimawh tak National Mission on Edible Oils (NMEO) hmanga Mizoram sorkarin loneitute intodelhna tura hma a lak zel thu sawiin, Minister chuan loneitute chu sawhthing chin piah lamah nihawi ching kawp uar tur leh heng hian an sum lakluh a tihpun ngei a beisei thu a sawi a. Mizoram Agricultural Marketing Board kaihhruaina hnuaiah NAFED-in lo neitutena nihawi an tharchhuah chu direct-in kg 1-ah Rs 83.43 zela a lei vek tur thu a sawi bawk.
He campaign kick-off programme hi Agriculture Department Secretary Ramdinliani chuan a kaihruai a ni.