Lemchanthiam Orlando Bloom pawh kawppui nei lova a awm leh ren rawn hnuah Swiss model Luisa Laemmel nen Italian gateway-ah hun an hmang dun lai hmuh an ni a, entertainment khawvel an luah hneh nghal hle.
Pirate of the Caribbean star, kum 49 mi hi kartir khan Italy khawpui pakhata beach-ah hmuh a ni a, hetah hian amah chauha hun hmang mai lovin Swiss model, kum 28 mi Laemmel nen inhaw lo takin an awm dun.
Bloom leh Laemmel te hian swimsuit nen tuipui kamah hian hun an hmang a, tuichen pahin an khat tawkin an inkuah reng bawk.
An pahnih hian kumtir lam atang khan an inzui tan nia sawi an ni a, Super Bowl te endunin, hmun hrang hrangah an zinkual niin khawthlang news ho chuan an ziak nasa hle.
Bloom hi a kawppui hlui zaithiam Katy Perry nen kum 2016 atanga inzui tanin, kum 2019 khan an inhual a, August 2020 khan fanu Daisy Dove an nei.
An pahnih hian 2025 khan an inthen thu hi tichiangin, Perry hian Canada prime minister hlui Trudeau a kawp lehnghal a, Bloom pawh awm mai mai bik lovin, Swiss model nen an inzui chho veleh nghal a, inhaw lo takin an lengdun chho ve mek a ni.